काठमाडौं :
एक समय थियो महानायक राजेश हमाल र मिथिला शर्मा अभिनित सिनेमा दर्शकको रोजाईमा पर्ने गर्थे । यी दुईको सिनेमालाई दर्शकले हलमा हुटिङ लगाएर स्वागत गर्थे । तर यी दुईलाई पर्दामा एकसाथ हेर्न दर्शकलाई झन्डै एक दशक पर्खिनु परेको छ ।
सिनेमा ‘भगवान सबैको’ पछि राजेश र मिथिलाले हालै सार्वजनिक भएको म्युजिक भिडियो ‘सावित्री’ मा एक साथ अभिनय गरेका हुन । लामो समयपछि एकसाथ भिडियोमा देखिएका यी दुईलाई दर्शकले उस्तै रुचाएका छन् ।
आइतबार बालुवाटारस्थित नेपाल हाउसमा यहि गीतको भिडियो रिलिज कार्यक्रममा महानायक हमाल र शर्मा उपस्थित भएका थिए । उनीहरुले एक अर्काको अभिनयको तारिफ गरेको सुन्दा पत्रकारहरुले ताली बजाएका थिए । यहि क्रेज अझैँ रहन्छ कि रहन्न थाहा छैन । दर्शकको चाहाना भने अझै राजेश र मिथिलालाई सानो पर्दामा होइन ठुलै पर्दामा हेर्न चाहेका छन ।
