काठमाडौं : आगामी जेठ ८ गते प्रदर्शनमा आउने सिनेमा ‘काजी’को दोस्रो पोस्टर सार्वजनिक गरिएको छ। पोस्टरमा विपीन कार्की र केकी अधिकारी प्रेमिल भावमा प्रस्तुत छन्, जसले सिनेमाको कथा माया, सम्बन्ध र जीवन संघर्षमा केन्द्रित रहेको संकेत गर्छ।
पोस्टरमा नेपाली सांस्कृतिक झल्को देखिन्छ भने गाउँघरको परिवेश, तोरीबारी र पुरानो घरले सिनेमा ग्रामीण कथामा आधारित हुनसक्ने अनुमान गर्न सकिन्छ।
लक्ष्मण रिजाल निर्देशित यो सिनेमा भावनात्मक सामाजिक कथामा आधारित रहेको निर्माण टिमले जनाएको छ। सिनेमामा विपीन र केकीसँगै अन्य कलाकारहरूको पनि अभिनय रहेको छ।
यसअघि सार्वजनिक सामग्रीले सकारात्मक प्रतिक्रिया पाएको सिनेमा ‘काजी’प्रति दर्शकको अपेक्षा बढ्दो छ। निर्माण टिमले छिट्टै ट्रेलर सार्वजनिक गर्ने जनाएको छ।
