काठमाडौं : अभिनेताद्वय आर्यन सिग्देल र जीवन लुईँटेलको लामो समयपछि भेट भएको छ। यि दुईको सोमबार कान्तिपुर फिल्म एकेडेमीमा भेट भएको हो। सोमबार जीवनले अभिनय गरेको नाटक ‘शिरीषको फूल’ हेर्न आर्यन कान्तिपुर फिल्म एकेडेमीमा पुगेका थिए।
नाटक सकिएपछि आर्यनले जीवनलाई अङ्गालो हालेर बधाई दिएका थिए। दुईले एक-अर्कालाई भेटेर केही समय कुराकानी गरेपछि तस्वीर समेत कैद गरे। जुन तस्वीर आर्यनले फेसबुकमा पोस्ट गरेका छन्।
कुनै समय यि दुईलाई सिनेउद्योगमा प्रतिस्पर्धी कलाकारको रुपमा चिनिन्थे। उनीहरूलाई प्रतिस्पर्धीका रूपमा हेरिए पनि मित्रता भने प्रगाढ रहेको उनीहरूको पछिल्लो भेटले देखाएको छ।
आजको भेटघाटले नेपाली सिनेमाका यी दुई लोकप्रिय अनुहारको सम्बन्ध अझै बलियो रहेको पुष्टि गरेको छ। उनीहरूले सन् २००९ मा प्रदर्शनमा आएको सफल सिनेमा ‘मेरो एउटा साथी छ’ मा सँगै काम गरेका थिए।
जीवन लुईँटेल हाल आफ्नो अभिनय करिअरलाई नाटकतिर पनि केन्द्रित गरिरहेका छन्। उनी मञ्चमा आफ्नो प्रतिभा देखाएर दर्शकको मन जितिरहेका छन्।
अर्कोतर्फ, आर्यन सिग्देल पनि चलचित्रमा सक्रिय छन् र नयाँ प्रोजेक्टहरूमा काम गरिरहेका छन्। यी दुईको भेटघाटले नेपाली कला क्षेत्रमा सकारात्मक सन्देश दिएको छ। यसले पुरानो मित्रता र एकअर्काको कामलाई सम्मान गर्ने भावनालाई उजागर समेत गरेको छ।
