Sur Cinema

Edit Content
Edit Content

ताजा अपडेट

रङ्गेलीको ‘मिम च्यालेञ्ज’ :  कस्ले पाउला नगद र स्मार्टफोन ?

काठमाडौं : फागुन २५ गते महाशिवरात्रिको दिन रिलिज हुने नेपाली सिनेमा ‘रङ्गेली’ले ‘मिम च्यालेञ्ज’ घोषणा गरेको छ । यसमा विजेताले नगद, स्मार्टफोन र प्रिमियर पास प्राप्त गर्नेछन् ।

यो च्यालेञ्जमा सहभागी हुन युट्युबमा रहेका सिनेमा ‘रङ्गेली’का टिजर र गीतहरूबाट स्क्रिनशट निकाली ‘मिम’ तयार गरी सोसल मिडियामा पोस्ट गर्नुपर्नेछ । यो च्यालेञ्ज विश्वका जुनसुकै स्थानबाट लिन सकिनेछ । जुनसुकै सोसल मिडियामा मिम पोस्ट गर्दा #Rangelimovie #rangelifalgun25 #rangeli ह्यासट्याग किवर्डहरू प्रयोग गरेको हुनुपर्नेछ ।

विजेता छान्दा सिनेमा टिमले सृजनशीलता र ‘मिम’ले प्राप्त गरेको लाइक, शेयर र कमेन्टको सङ्ख्यालाई आधार मान्ने कार्यकारी निर्माता जीतेन्द्र खतिवडाले बताए । खतिवडाका अनुसार उत्कृष्ट ‘मिम’ बनाउनेले नगद रु. १०,०००।- (दश हजार) र युमिडिजीको स्मार्टफोन प्राप्त गर्नेछन् । त्यस्तै, दश जनाले सिनेमा ‘रङ्गेली’को प्रिमियर शो को पास प्राप्त गर्नेछन् ।

‘रङ्गेली’लाई अर्जुन सुवेदीले लेखन तथा निर्देशन गरेका छन् । सिनेमा दयाहाङ राई, मिरुना मगर, अर्पण थापा, प्रवीण खतिवडा, रमेश बुढाथोकी लगायतको प्रमुख भूमिका रहेको छ । सिनेमाका कार्यकारी निर्माताहरू जीतेन्द्र खतिवडा र अनुज जङ्ग थापा हुन् । निर्माताहरू संसार चौलागाईं र रमेश भट्टराई बशिष्ठ हुन् भने युवक कार्की र शिव शङ्कर चौलागाईँ सह-निर्माता हुन् । विवेक खड्का (योलो) एशोसियट निर्माता हुन् ।