काठमाडौं : नेपाली समाजका विविध पक्ष, पारिवारिक सम्बन्ध र सामाजिक यथार्थलाई कथावस्तुमा समेटिएको नयाँ टेलिसिरियल ‘धागो’ को ट्रेलर सार्वजनिक भएको छ।
सामाजिक तथा पारिवारिक विषयवस्तुलाई केन्द्रमा राखेर निर्माण गरिएको ‘धागो’ मा खेम घर्ती बुजेल, कृष्णमाया खड्का, कृष्णप्रसाद गुङ्गाना, सुदर्शन खत्री, सबिता तामाङ, प्रतिक्षा रसाइली, अस्मिता सुनार, राजकुमार रिजाल र प्रेम गिरीको अभिनय रहेको छ। सिरियलमा बाल कलाकारका रूपमा असिम चालिसे रहेका छन्।
युनिक टिभीको निर्माणमा तयार भएको ‘धागो’ का लेखक तथा निर्देशक प्रयास बोहोरा हुन्। सिरियलको छायांकन दीपु रिजालले गरेका छन् भने सम्पादन तथा कलरको जिम्मेवारी प्रयास बोहोराले सम्हालेका छन्।
नेपाली समाजका विविध पक्ष, पारिवारिक सम्बन्ध तथा सामाजिक यथार्थलाई कथामार्फत प्रस्तुत गर्ने उद्देश्यले निर्माण गरिएको ‘धागो’ मा सामाजिक तथा पारिवारिक विषयवस्तुलाई प्राथमिकतामा राखिएको छ।
सिरियलले नेपाली समाजका कथा र पात्रमार्फत दर्शकलाई मनोरञ्जन प्रदान गर्नुका साथै सामाजिक सन्देशसमेत दिने अपेक्षा गरिएको छ।
