काठमाडौं : आर्टिस्टिक इन्टरटेन्मेन्टको ब्यानरमा नयाँ सिनेमा निर्माण हुनेभएको छ। बिहीबार नयाँ सिनेमा ‘कर्मा’को निर्माण घोषणा गरिएको हो।
सिनेमालाई निर्देशक सौरभ चौधरीले निर्देशन गर्दैछन्। वसन्त लम्साल सिनेमाका निर्माता हुन्। सिनेमालाई निर्माण टिमले तिहारपछि खिच्दैछ। सिनेमा एक्सन र एड्भेन्चर जनरामा बन्ने बताइएको छ। सिनेमामा सौरभकै कथा रहनेछ।
हाल कलाकार छनोटको प्रक्रियामा टिम रहेको छ। सिनेमामा कुन कलाकारको मुख्य भुमिका रहन्छ भन्ने कुराको छिट्टै जानकारी दिने टिमले बताएको छ।
