Sur Cinema

Edit Content
Edit Content

ताजा अपडेट

माओवादी जनयुद्धको कथा उठान गरेको सिनेमा ‘सिटामोल’को जापान राईट्स बिक्री

काठमाडौं : तुलसी देवी फिल्म्स प्रालीको ब्यानरमा निर्माण भएको सिनेमा ‘सिटामोल’को जापान प्रदर्शन अधिकार बिक्री भएको छ । सिनेमाको जापान प्रदर्शन अधिकार गरिमा फिल्म्सले किनेको हो । निर्देशक राजबहादुर सानेले नेपालमा सिनेमाको प्रदर्शन मिति घोषणा नहुँदै सिनेमाको विदेश राइट्स बिक्रि गरेका हुन् भने हाल सिनेमाको पोष्ट प्रोडक्सनको काम भैरहेको छ ।

सिनेमाको काठमाडौंको केही प्रतिशत बाँकी छायांकन पनि पुरा गर्ने तयारीमा निर्देशक साने छन् । सिनेमामा अभिनेता सौगात मल्ल र बेनिशा हमालको मुख्य भुमिका रहेको छ भने सिनेमामा उनीहरुले श्रीमान्-श्रीमतीको अभिनय गरेका छन् । माओवादी जनयुद्धको कथा सिनेमाले उठान गरेको छ । यो सिनेमामा सौगातले जनयुद्धको घाइतेको भुमिका निवार्ह गरेका छन् ।

सिनेमाको कथा निर्देशक साने स्वंयमले लेखेका हुन् । बाबुल गिरीको संगीत रहेको सिनेमालाई दिव्य सुवेदीले खिचेका हुन् । सिनेमामा भुगोल कुमार कार्की निर्माता, रामचन्द्र उपाध्यय, अप्सरा नेपाली, गंगाराम श्रेष्ठ, अजय कुमार बिक र कुमार केसी कार्यकारी निर्माता रहेका छन् ।

सिनेमामा सौगात र बेनिशाका अलवा लोकेन्द्र लेखक, भुगोल कार्की, हिउँवाला गौतम, दिनेश रेग्मी, समिप निरौला, जानुका विश्वकर्मा, ज्ञानु सेञ्चुरी, पवन भट्टराई, काजल भुजेल र बालकलाकार करण नेपाली र आराध्या राज्यलक्ष्मी डिसीको अभिनय रहेको छ ।