काठमाडौं  
  “रेखा थापा ,केकि अधिकारी, प्रियंका कार्की लाई पर्दामा चम्किएको देख्दै गर्दा ज्यानमा अर्कै उर्जा आउथ्यो, आखामा धेरै सपना नाच्दथे ,  मनमा धेरै रहर सल्बलाउथे ।” सोलुखुम्बुमा जन्मिएर, इटहरिमा हुर्किएकी २१ बर्षिया आलिशा बास्तोला को भनाइ हो यो । “कथा भन्दा पनि उहाहरुको अभिनय क्षमतालाई हेर्दै मोहित थिए  । उहाहरुको शुन्दरता  र अभिनयको अगाडि बाकी सबै फिक्का लाग्थे मलाइ ।” आफुलाइ अभिनयमा अब्बल बनाउन प्रयत्न गर्दै रहेकी  आलिशाको सिनेमा क्षेत्रको यात्राले ३ वसन्त पार गरिसकेको छ !
के ले लोभ्यायो सिनेमामा? भन्दै गर्दा उनी भन्छिन,”यहि क्षेत्रमा लागेर देश बिदेशमा चिनिने अनि लोभ लाग्दो अभिनय देखाएर  रङ्गिने इच्छाले तान्यो ।”
“अहिले तपाइको यात्रा कहाँ सम्म पुग्यो त ? “
“जिवनको महत्वपुर्ण उर्जा खेर गैरहेकाले केही समय बिदेश जाउ कि भन्ने सोच्दैछु!”

किन ? अप्रत्यासित कुराले कान ठाडा भए मेरा ।
“आफुलाइ झनै बलियो बनाउनु छ !  आफुलाइ झनै अब्बल बनाउनु छ।”
के कुरामा आफुलाइ कमजोर पाउनु भयो ? मैले पनि प्रश्न गर्न आफुलाई रोक्न सकिन ।
“धेरैले भनेको सुनेकी छु सिनेमा क्षेत्रमा भविष्य  छैन, तर हाम्रो भविष्य अरुको हातमा हैन, आफ्नै कर्ममा भर पर्ने हो नि हैन ?” नादान सोचले मलाइ नै मोहित बनाइरहेको पाउथे । एक्कै छिन आक्रोसित हुन्थिन, फेरि आफुलाइ सम्हाल्थिन र भन्थिन “मेरै आँखा अगाडि धेरैले सगरमाथा छोएको देखेकी छु यो क्षेत्रमा तर म किन हतोत्साहित हुने अरुको कुराले ? आफ्नो मनले रोजेको काम गर्ने हो नि ! ४ बर्ष को मेरो सिने यात्रामा अबको केही समय पढाइमा ध्यान दिन्छु जस्का लागि मैले बिदेश रोजेकी छु । आफुले रोजेको विषय राम्रो सङ्ग अध्ययन गर्न पर्यो नि त बरु त्यहा जानेको बुझेको बिषय यहाँ आएर सेयर गर्ने नि , ३/४ बर्ष त हो फेरि आएर सिनेमामा आफ्नो करियर अगाडि बढाउने हो !”

“केही ठाउमा गए, मान्छे भेटे, अडिसन नि दिए राम्रै भए जस्तो लाग्थ्यो आफुलाइ !  तर धेरै ले कुनै न कुनै हिसाबले अयोग्य ठान्थे, खै किन हो कुन्नी ? मलाइ अयोग्य देख्नेहरुलाइ योग्य भएर देखाउनु छ।”  उनको यो मजाक भित्र ठूलो अर्थ लुकेको थियो। “कस्ले के गर्यो भन्न मिल्छ ?”  यहाँ त कस्तो मान्छे छन भन्या राम्रो  रोल छ आउनुहोस भनेर अडिसनमा बोलाउछन, सेटमा जादा त स्विमिङ्ग पुल  मा पो नुहाउन भन्छन, रिस उठ्दैन भन्या ! भलै सानो रोल होस, राम्रो  त हुन पर्यो नि । रोल पनि कस्तो ? आकाशमा बादल को भुवा हराउछ नि त्यस्तै ” भित्र भित्रै खुब हास उठ्यो मलाइ । “कति ठाउबाट त झगडा गरेर फर्किएकी छु सेट बाटै ।  यी सबैलाइ काम गरेर देखाउनु छ मलाइ ।  त्यसैका लागि पनि आफुमा निखार ल्याउन बाहिर जाने प्रोसेस मिलाउदैछु ।”
” भेटे जति सबै सङ्ग झगडा गर्दै गयो भने त कोहि नरहलान नि फेरि ? ”  “सत्यमा हिड्यो भने अहिले कोहि नरहे पनि, भबिष्यमा  सबै आफ्ना हुन्छन ।” आध्यात्मिक उत्तर थियो उनको ” मन दुख्छ नि त ! बोलाउदा एउटा कुरा गर्ने  जादा अर्कै।”

३० वटा साङ्गितिक सिनेमा( म्युजिक भिडियो) को अनुभव छ उनी सङ्ग ! केही वेब सिरिजमा पनि ब्यस्त राखेकी छिन आफुलाइ । उनलाइ राम्री अभिनेत्री भन्दा पनि राम्रो  कलाकार हुने हुटहुटी छ, उनकै भाषामा भन्दा मिथिला शर्मा जस्तै ।
“भिडियो र सिरिज मा काम गर्ने क्रममा कुनै अप्ठ्याराहरु आएनन ?”
“गारो अप्ठ्यारो त भैहाल्छ नि ! मैले भनिन, आफैले हो सम्हाल्ने ,सपनामा पनि पुग्नु छ, आफुलाइ असहज भयो भन्दैमा आत्तिने कुरा त भए न नि । तपाईं आफ्नो ठाउमा बलियो हुनु भयो भने कसैले तपाइलाइ बेरङ्गी बनाउन सक्दैन। आफ्नो कमजोरिलाइ लिएर सिने क्षेत्र नै धमिलो छ भन्न पाइन्न नि ।” मैले सोध्न खोजेको एउटा, उत्तर आयो अर्को ! फेरि दोहोर्याएर सोध्न मन लागेन  किन भने यो उत्तर उनको मन बाट आएको थियो !  अनि  फेरि दोहोर्याएर सोधे  ” किन बिदेसिन खोज्नु भएको  त ? “
“फेरि त्यही कुरा ?

केही पाइला पछाडी जान लागेको हु के ?  म त बाघ हु नि ,अगाडिको शिकार लाई आक्रमण गर्न केही पाइला पछि जानू परेन । यस्तो पनि दिन आउँछ, जुन दिन फेरि पनि तपाईं मेरो अन्तर्वार्ता लिनुहुन्छ , जुन अन्तर्वार्ता पढेर , पढ्नेलाइ पनि उर्जा आओस” मज्जाले हास्न पुगिन उनी ।
”  नरिसाउनु है ठट्टा गरेकी हु।” ठट्टेउलि उत्तर भित्र गहिरो सङ्कल्प लुकेको थियो उनमा  । “सिने क्षेत्रमा रहर मात्र भएर नपुग्ने रहेछ। कुनै समय मलाइ पनि रहर भयो होला, तर अहिले यो मेरा लागि सपनामा परिणत भएको छ सपना त देख्न पाइयो नि हैन ? अब सपना पूरा गर्न सजिलो त कहाँ छ र ? त्यस्तो बेला जुन दुख छ, त्यसैमा त हो  मज्जा , संघर्ष  भनेको त्यही त हो नि ।  अहिले यो क्षेत्र सङ्ग मेरो पनि आत्मियता बढ्यो होला । राम्रा नराम्रा सङ्ग भेट भयो होला,   छिमल्ने जिम्मा त मेरो आफ्नै हो नि ।  हो कि हैन भन्नू त ?  कस्तो भने नि , कसैलाइ देख्यो भने परै बाट ओझेल हुन मन लाग्ने !  तर कोहि कोहि भने आखामा राख्दा पनि नबिझाउने ब्यक्तित्व हुनुहुन्छ । “
“अनि बिदेश गएर फर्कदा उमेर पनि त जाला नि ?  सम्झनामा राखेका ले  बिर्सेलान फेरि ?”

“लौ उमेर ले हो र अभिनय गर्ने ? बिर्से भने फेरि शून्य बाट सुरुवात गर्ने हो।  प्रकृति त परिवर्तन हुन्छ ! नया पालुवा बाट, हामी त मान्छे हौ  । हामिले फेरि सुरु गर्न  मिलिहाल्छ नि। तर शुरु गर्दा शून्य बाट हैन अघिल्लो अनुभव बाट शुरु हुन्छ !  हेर्नू न,  मलाइ त  जसरी भए नि आफ्नो सपना भेट्टाउनु छ । म भित्र आत्म बिश्वास र सङ्कल्प  भए केहिले पनि  रोक्दैन । ज्यानले साथ दिउन्जेल यहि छेत्रमा लाग्ने हो।” उनका ती अबोध तर गहिरा अभिब्यक्तीले मलाइ फेरि एक पटक मोहित बनायो ।