काठमाडौं
गीतकार प्रकाशदीप श्रेष्ठको शब्द रचना तथा गायिका बुनु श्रेष्ठको स्वरमा रहेको नेपाल भाषाको गीत ‘बहनिया मिला’ सार्वजनिक भएको छ ।
शनिवार राजधानीमा एक कार्यक्रमका बिच गीत सार्वजनिक गरिएको हो, संगीतकार निल शाक्यको संगीत सिर्जना रहेको उक्त गीतमा भूपेन्द्र बज्राचार्यको संगीत संयोजन रहेको छ भने उक्त गीतलाई साउण्ड ईन्जिनियर महेश्वरमान राज भण्डारीले मिक्सिङ तथा मास्टरिङ गर्नु भएको छ ।
गोकर्ण फोरेष्ट रिसोर्टमा छायाँकन गरिएकोे प्रेमकथामा आधारीत म्युजिक भिडियोमा मोडल गायिका बुनु श्रेष्ठ र नायक धिरेन शाक्यको अभिनय रहेको छ । भिडियोलाई उत्तम हुमागाईले छायाँकन गरेका छन् भने प्रेम रसाईलीको नृत्य निर्देशन एवं विकास धमलाको सम्पादन रहेको छ । प्रेम अनुभूति झल्कने उक्त गीतमा एक युवतीको आफ्नो प्रेमी प्रतिको विश्वासको भावलाई दर्शाईएको छ । गीत स्टुडियो साउण्ड मिल नामक युट्युव च्यानलबाट हेर्न सकिन्छ ।
