काठमाडौं : पूर्वघोषित मितिमा चमेलीको पोइ प्रदर्शन नहुने भएको छ। देशको वर्तमान राजनीतिक अवस्था र निर्वाचनको परिवेशलाई मध्यनजर गर्दै रामनवमी (१३ चैत) को रिलिज स्थगित गरिएको निर्माण पक्षले जनाएको छ।
धनलक्ष्मी सिने मेकर्सको ब्यानरमा बनेको सिनेमाको नयाँ प्रदर्शन मिति छिट्टै तय गरिने बताइएको छ। निर्माण टिमले शान्तिपूर्ण माहौलको प्रतीक्षामा रहेको उल्लेख गर्दै, समयमै निर्माण सम्पन्न गर्न सहयोग गर्ने सबैप्रति आभार व्यक्त गरेको छ।
