काठमाडौं : प्रेम–ड्रामा बलिउड सिनेमा ‘तेरे इश्क में’को बुकिङ आजदेखि खुला भएको छ। भोलिदेखि नेपालभर रिलिज हुन लागेको यस सिनेमाप्रति दर्शकको उत्सुकता बढ्दै गएको छ।
आनन्द एल. रायको निर्देशनमा तयार भएको सिनेमामा धनुष र क्रिटी सेनन मुख्य भूमिकामा छन्। प्रेम, पीडा र भावनात्मक द्वन्द्वलाई नाटकीय शैलीमा प्रस्तुत गरिएको यसमा ए.आर. रहमानको संगीत छ।
टी–सिरीज र कलर यलो प्रोडक्सनको सहकार्यमा बनेको सिनेमा हिन्दी, तमिल र तेलुगू भाषामा विश्वव्यापी रूपमा रिलिज हुँदैछ। निर्देशक रायको यसअघि निर्देशित सफल सिनेमा ‘रन्जना’लाई दर्शकले आज पनि सम्झन्छन्।
