काठमाडौं : अमेरिकामा बसोबास गर्दै आएकी गायिका नीता आचार्यले शिव भजन ‘त्रिनेत्रधारी’ सार्वजनिक गरेकी छिन्। डिबि खरेलको रचना र शंकर थापा स्माइलको संगीत रहेको भजनमा नीताको भक्ति भावना झल्किन्छ।
भिडियोको निर्देशन अनुभवी निर्देशक गोविन्द राईले गरेका छन्। छायांकन र सम्पादन अञ्जय खड्काले गरेका हुन्। भजनको छायांकन मेरिल्यान्डको बाल्टिमोरस्थित हिन्दू बुद्ध मन्दिर वरपर गरिएको हो।
भिडियोमा गायिका आचार्यसँगै बालकलाकार महर्षि घिमिरेले अभिनय गरेका छन्। उनी निर्देशक शंकर घिमिरे र अभिनेत्री ऋचा घिमिरेका छोरा हुन्।
