काठमाडौं : नयाँ ३ नेपाली सिनेमाहरु आजबाट प्रदर्शनमा आएका छन्। ‘माग्ने राजा’, ‘जनै हराएको मान्छे’ र ‘ताराहरु’ आज शुक्रबार प्रदर्शनमा आएका हुन्।
’माग्ने राजा’मा केदार घिमिरे (माग्ने बुढा) मुख्य भूमिकामा छन्। यसले एक सामान्य मान्छेको धनी बन्ने महत्त्वाकांक्षाको कथा भन्छ। ऋषि लामिछाने निर्देशित यो सिनेमामा वर्षा सिवाकोटी र विल्सन विक्रम राईको पनि अभिनय छ।
त्यस्तै, ’जनै हराएको मान्छे’ले बाबु-छोरा र दिदी-भाइको सम्बन्धको कथा देखाउँछ। हिमाल न्यौपानेको निर्देशनमा बनेको यो सिनेमामा विजय बराल, केकी अधिकारी, मिरुना मगर, र गौरव पहारी लगायतका कलाकारहरूको अभिनय छ।
त्यसैगरी आशान्त शर्माले निर्देशन गरेको ‘ताराहरु’मा निराश भएर आत्महत्या गर्ने सोचमा पुगेको एक किशोरलाई उसका साथीहरूले जीवन जिउन प्रेरित गरेको कथा छ। यसमा आशान्त शर्मा, मेनुका प्रधान, र कुन्दुन शाक्यको अभिनय छ।
यि ३ वटै सिनेमाले दर्शकको राम्रो साथ पाउने अपेक्षा गरिएको छ। फरकफरक जनराका यि सिनेमाहरुको व्यापारिक र समिक्षात्मक अवस्था कस्तो हुन्छ, त्यो त केही दिनपछि थाहा होला।
