Sur Cinema

Edit Content
Edit Content

ताजा अपडेट

‘बिच्छेद’ को पहिलो गीत “गाजले”

काठमाडौँ : मुकुन भुसाल र लक्ष्मी बर्देवा स्टारर सिनेमा ‘बिच्छेद’को पहिलो गीत ‘गाजले’ सार्वजनिक गरिएको छ । मङ्सिर ८ बाट प्रदर्शनमा आउने सिनेमाको ‘गाजले’ शीर्षकको गीतमा राम अविरल बिष्टको शब्द रचना, एसडी योगीको सङ्गीत तथा योगी र ऋतिका श्रेष्ठको स्वर रहेको छ । सिनेमाका प्रमुख कलाकारहरू मुकुन भुसाल र लक्ष्मी बर्देवा फिचर्ड गीतमा प्रेम भाव प्रकट गरिएको छ । यसका कोरियोग्राफर सुरेन्द्र बसेल हुन् ।

अभिनयमा यी दुवै कलाकार उम्दा मानिन्छन् । यो सिनेमाका निर्माताहरू राज कुमार पण्डित, दिमेश श्रेष्ठ सुवास राई र सावित्री बज्राचार्य हुन् । सह निर्माता प्रबिन राजथला हुन् ।

अभिनेता मुकुन भुसालले लेखेको कथामा निर्देशक चौलागाईँले पटकथा लेखेका छन् । गाउँले परिवेशमा आधारित रहेको यो सिनेमाको छायांकन रामेछापको एक गाउँमा गरिएको छ । मुकुन र लक्ष्मीका अलावा यस सिनेमामा सुष्मा निरौला, प्रिया रिजाल, लय सङ्ग्रौला, हिउँवाला गौतम, सरिता राजोपाध्याय, लक्ष्मीनाथ तिमिल्सिना, जीवन थापा, जयराम सापकोटा लगायतका कलाकारहरूको अभिनय रहेको छ । सिनेमामा सङ्कल्प भुजेलको छायांकन, भूपेन्द्र अधिकारीको सम्पादन रहेको छ भने समीर मियाको भिएफएक्स, किरण तुलाधरको ब्याकग्राउन्ड स्कोर र रेनिश फागोको कलर ग्रेडिङ रहेको छ ।

सिनेमाका गीतमा एसडी योगी, सुरज थापा र आशिष महरको सङ्गीत, सत्यराज चौलागाईँ र राम अविरल विष्टको शब्द रचना रहेको छ भने एसडी योगी, सुनिता थेगिम, हृतिका श्रेष्ठ, सुरज थापा र आशिश महरको स्वर रहेको छ । कबिराज गहतराज र सुरेन्द्र बसेल कोरियोग्राफर हुन् । सिनेमालाई काठमाडौँ उपत्यकामा रिच इन्टरटेन्मेन्ट र उपत्यका बाहिर एफडी कम्पनीले वितरण गर्दैछन् ।