Sur Cinema

Edit Content
Edit Content

ताजा अपडेट

वेव सिरिज ‘प्रितको रीत’ सार्वजनिक

  काठमाडौं            
डिनेस्ट ईन्टरटेनमेन्टको ब्यानरमा निर्मित नयाँ वेव सिरिज ‘प्रितको रीत’ सार्वजनिक भएको छ। सार्वजनिक सिरिजलाई निर्देशक शंकर कोइरालाले निर्देशन गरेका हुन। सिरिजको कथा पनि उनी स्वंयमले नै लेखेका हुन। ओ.एस.आर डिजिटल युट्युब च्यानलमार्फत सिरिजको पहिलो एपिसोड सार्वजनिक गरिएको हो।

सार्वजनिक सिरिजमा कलाकार कविता न्यौपाने र अमर प्रताप श्रेष्ठ  मुख्य भूमिकामा देखिएका छन। अमरले यसै सिरिजबाट डेब्यु गरेका हुन। कविताले भने थुप्रै म्युजिक भिडियाेहरुमा काम गरिसकेकी छन। म्युजिक भिडियाेबाट अभिनयको यात्रा सुरु गरेकी कविताको पनि यो डेब्यु सिरिज हो। यसै सिरिजबाट अर्का कलाकार रबिन सुबेदीले पनि अभिनयको दुनियाँमा पाईला टेकेका छन।   कविता, अमर र रबिन का अलावा सिरिजमा दिलीप केसी, सुजाता पाण्डे अनामिका  लामिछाने, रश्मी भट्ट, समिना महर्जुन, उमादेवी बस्नेत कार्की, विजय महर्जन, शीतल श्रेष्ठ, आनन्द विक्रम क्षेत्री, परिचित गिरी, अनुजा जी.सी लगायतका कलाकारको अभिनय रहेको छ। बाल कलाकारमा भने डिआन्स केसी छन।

सिरिजलाई दिलीप केसीले निर्माण गरेका हुन। दुर्गा पौडेल, अमृत सुनुवार र अंकुर गुरुङले मिलेर छायांकन गरेको सिरिजमा एस.आर.के(शंकर राज कोइराला)को सम्पादन, एस.आर.के र दिलीप के.सीको संवाद र टेकेन्द्र शाहको कलर करेक्सन रहेको छ। वे एण्ड बीट्सको शब्द र कम्पोज रहेको सिरिजको गीतमा गायकहरु अन्तर गीत, बिरजु शाही र राजकुमार सहसंहारले स्वर दिएका छन।