काठमाडौं : शंकर घिमिरेको निर्देशनमा तयार भएको सिनेमा ‘तेल भिसा’को ट्रेलर सार्वजनिक भएको छ । शुक्रबार काठमाडौंमा एक कार्यक्रम गर्दै सिनेमाको ३ मिनेट ३८ सेकेन्ड लामो ट्रेलर सार्वजनिक गरिएको हो । सुत्केरी बुहारी स्याहार्न नेपालदेखि अमेरिका पुगेकी एक सासूको कथा बोलेको ट्रेलर मर्मस्पर्शी देखिएको छ ।
सिनेमामा अभिनेता विपिन कार्की दोहोरो भूमिकामा देखिएका छन् भने सिनेमामा बिपिनको अलावा वर्षा राउत, पूजा चन्द, ऋचा घिमिरे, बुद्धि तामाङ्ग, फ्रान्सिस शेरमन, ज्याक बेल, सुचित्रा उप्रेती र अनिल पाण्डे लगायतको अभिनय रहेको छ। वेलडन क्रिएसनले निर्माण गरेको सिनेमाको प्रस्तुतकर्ता ऋचा घिमिरे र निर्माताको रुपमा अनिल पाण्डे र शिवराज कार्की रहेका छन् । सिनेमा यहि मङ्सिर ७ गते बाट अल नेपाल रिलिज हुँदैछ ।
