काठमाडौं : राजु गिरीको निर्देशन रहेको सिनेमा “इश्वर”को छायाँकन सकिएको छ । पोखरामा २७ दिन लगातार छायांकन पस्चात प्याकअप गरिएको निर्देशक गिरीले जानकारी दिए ।
लक्ष्मी कुँवर थापाको प्रस्तुतिमा निर्माण भएको सिनेमाको मुख्य भुमिकामा ध्रुब थापा, अनु शाह, पृथ्वी राज प्रसाईं, कृष्टि गुरुङ, सुनिल थापा, सबिन बास्तोला, माओत्से गुरुङ, रबिन्द्र झा, बुद्धि लामा, शिशिर बाङ्देल,सबिन बास्तोला र गीता अधिकारी रहेका छन् ।
दिव्या कंगना फिल्मस्को ब्यानरमा निर्माण भएको सिनेमाको पटकथा एवम् संवाद भोजराज देवकोटाले तयार पारेका हुन् । हरिबहादुर थापा र शंकर गिरी निर्माता रहेको सिनेमामा अर्जुन पोखरेल, राजेन्द्र बजगाई र बीपी वाग्लेको संगीत, कविराज गहतराज, देवेन्द्र पाण्डे र सुरेश पाण्डेको कोरियोग्राफी, रामेश्वर हुँमागाईको छायांकन र देव महर्जनको द्वन्द्व निर्देशन रहेको छ ।
