काठमाडौं
नारी दिवसको अवसर पारेर सिनेमा ‘जुबेली’को पहिलो लुक सार्वजनिक गरिएको छ । सिनेमामा सुरक्षा पन्त, उषा रजक, निशा अधिकारी र मोनिका थापा मुख्य भूमिका रहेका छन् भने सुशील सिटौला , पुष्कर कार्की , तुफान थापा लगायतका कलाकारको अभिनय रहेको छ।
फोर क्युब इन्टरटेन्मेन्टको ब्यानरमा बनेको यो सिनेमामा चार नारी पात्रको कथा समेटिएको छ । सिनेमालाई निर्देशक गणेश देव पाण्डेले निर्देशन गरेका हुन् । उनले यस अघि मन्चरी, गाजा बाँजा जस्ता सफल सिनेमा निर्देशन गरिसकेका छन् ।
एथोलजी विधामा रहेको यस सिनेमामा नारी पात्रको सशक्त र अब्बल अभिनय रहेको छ । चलचित्रलाई आभा शर्मा नेपालले निर्माण गरेकी हुन् ।
